Mafunzo haya yanalenga kuwawezesha wafugaji wa ng’ombe wa maziwa kwa maarifa na ujuzi wa kutumia teknolojia ya smaXtec kwa ufanisi. Mfumo wa smaXtec unatoa ufuatiliaji wa hali ya juu wa afya na ustawi wa ng’ombe wa maziwa, hivyo kuwawezesha wafugaji kuboresha usimamizi wa mifugo, kuongeza ustawi wa wanyama, na kuongeza uzalishaji.

Mafunzo haya yatahusisha vipindi vya nadharia na vitendo, ambapo washiriki watajifunza jinsi ya kufuatilia na kutumia mfumo wa smaXtec, kutafsiri data/taarifa inayopatikana, na kuchukua hatua zinazofaa kulingana na taarifa hizo. Pia, kutakuwa na mijadala kuhusu mbinu bora za ufugaji na jinsi ya kuunganisha teknolojia hii katika shughuli za kila siku za shamba.

Kwa kushiriki katika mafunzo haya, wafugaji watapata fursa ya kuboresha ujuzi wao, kuongeza ufanisi wa uzalishaji, na kuchangia katika maendeleo endelevu ya sekta ya maziwa.